ყირგიზეთი თავის მოქალაქეებს ურჩევს თავი შეიკავონ რუსეთში მოგზაურობისგან, იმ ფონზე, როცა რუსეთში გაძლიერებულია შემოწმების ზომები შუა აზიის ქვეყნების მოქალაქეების მიმართ, მოსკოვთან ახლოს მდებარე საკონცერტო დარბაზ "კროკუსზე" მარტის ბოლოს მომხდარი სისხლიანი თავდასხმის შემდეგ.
ყირგიზეთის საგარეო საქმეთა სამინისტრომ ეს რჩევა 2 მაისს გამოაქვეყნა და მოქალაქეები გააფრთხილა გაძლიერებული შემოწმების და კონტროლის შესახებ საზღვრებზე, რუსეთის წარმომადგენელთა მხრიდან.
ამ განცხადების ფონია უფლებადამცველი ორგანიზაციების ანგარიშები რუსეთში მზარდი ქსენოფობიის შესახებ შუააზიელების მიმართ, საკონცერტო დარბაზზე თავდასხმის შემდეგ, რომელსაც 144 ადამიანი ემსხვერპლა, დაიჭრა ათობით პირი.
თავდასხმაში მონაწილეობის ეჭვის საფუძველზე დააპატიმრეს 11 ტაჯიკი კაცი და რუსეთის ერთი მოქალაქე ყირგიზული წარმომავლობით.
ფორუმი